今個星期大量重磅嘅大股發放第一季度業績。打響頭炮嘅就係Tesla。今年以來Tesla持續下跌已經有40%。EV市場今年有大量平價新車競爭，又有冬季里程及充電難的問題，Tesla 電動車嘅銷量大受影響。香港其他牌子的電動車也越來越多，Tesla 電動車嘅競爭優勢已經越來越弱。
Tesla股價要有表現，就一定要
FSD或者robotaxi 有突破，拉開同其他EV車的分別。例如Tesla 車夜晚可以自己去充電，又唔駛一定泊返屋企，甚至出去載客收錢，咁樣Tesla 就好值錢。
市場已經預期今次1Q業績一定差。結果真係差，但係一話有平價新車同robotaxi 就快搞掂，即刻升成10%。
Tesla 之前我有，但係我今次都係睇定啲先。就算FSD真係work，始終法例保險等等都真係難搞，而且需要長時間。
今朝meta 業績後大跌。之前入嗰啲SPY好彩平手走得甩。再睇下係咪反彈完再做下一隻腳了。
本身有用開香港獅子銀行嘅，依家利息咁高做定期有着數，但係香港銀行嘅外幣定期利率並不太吸引，喺網上搜尋一輪之後發現最方便嘅就係開HSBC expat 戶口。過程非常簡單，同獅子銀行嘅RM講完之後，俾咗referral code。全程網上申請，幾日就已經批咗，而且可以免費Global Transfer，由香港戶口轉過去都唔使錢。
本身一路都等緊美股回調入貨Buy the dip。周中其實見到跌左差不多，入咗第一注立即蟹咗。點知全個星期由頭跌到尾，昨晚Nvidia這樣的領導股重要跌10%。似乎這次回調會俾我之前預計的更深。
經歷咗後疫情時期美股狂升，再因為通脹加息暴跌，equity curve 大起大落之後，投資心態轉變。之前一路滿倉甚至上margin旳buy and hold，導致每日上落超過心理可以承受嘅極限。加上工作收入的不確定性，而家追求嘅係細水長流同控制drawdown。
見到823跌足五年，買REITs 收息真係唔係咁簡單。資產質素惡化後，跌幅可以好驚人。就算而家美國今年應該開始減息都冇用。如果資產減值，負債比率就會上升。上年已經供股集資減債，要密切留意之後的業績公告。
