投資心態改變

 經歷咗後疫情時期美股狂升，再因為通脹加息暴跌，equity curve 大起大落之後，投資心態轉變。之前一路滿倉甚至上margin旳buy and hold，導致每日上落超過心理可以承受嘅極限。加上工作收入的不確定性，而家追求嘅係細水長流同控制drawdown。

領展再次破底

 見到823跌足五年，買REITs 收息真係唔係咁簡單。資產質素惡化後，跌幅可以好驚人。就算而家美國今年應該開始減息都冇用。如果資產減值，負債比率就會上升。上年已經供股集資減債，要密切留意之後的業績公告。

買入美債

最近聯儲局FOMC會議之後今年減息三次已經係大概率會發生嘅事。之前一路有資金擺喺IB收活期利息。而家係時候鎖定未來兩年嘅利率。決定買入一張兩年期嘅美元國債。